Автотұрақтағы көлік өрттен, құлаған ағаштан, қасақана бүлдіруден және басқалардан зақымдалуы мүмкін. Жөндеу үшін өтемақыны полис арқылы немесе сот арқылы алуға болады. Толығырақ NUR.KZ. материалынан оқыңыз.
Кейде автокөлік иелері аулада немесе жеке автотұрақта қалдырылған көліктеріне сызаттар, ойықтар немесе тіпті ауыр зақым келтірілгенін аңғаруы мүмкін.
Бұл ретте, кінәліні табу және өтемақы алу әрдайым мүмкін емес, сондықтан Сіз автокөлікті қалпына келтіруге өз ақшаңызды жұмсауыңыз керек.
«Халық» сақтандыру компаниясы Басқарма төрағасының орынбасары Сергей Гаврилов атап өткендей, мұндай жағдайлар кез келген адамды мазалауы мүмкін. Оларды шешудің сәттілігі сақтандырудың болуына немесе болмауына байланысты болады.
Зиянды кім өтейді
Сарапшы атап өткендей, автокөлік иелерінің өкінішіне орай, мұндай жағдайларда жауапкершілік көбінесе ешкімге жүктелмейді. Сондықтан кейде ақшаны талап ететін ешкім жоқ немесе ақшаны алу өте қиын. Сондықтан қазақстандықтар көлікті аулада немесе автотұрақта қалдырғаннан кейін кез келген сызат, мыжылған есік немесе сынған әйнек үшін өз қалтасынан төлеуге мәжбүр.
«Алайда, мұны болдырмауға болатын бір нұсқа бар - КАСКО полисін рәсімдеу және онда тиісті тәуекелдерді көрсету. Әрине, бұл сұрақ тек бір жыл ішінде баратын жерлерінде қауіп төнетініне сенімді жүргізушілерге қатысты:
КАСКО жоқ кезде өтемақыны қалай алуға болады
Сарапшы атап өткендей, егер ерікті сақтандыру полисі ресімделмеген болса, онда автокөлік иелері үшін жалғыз нұсқа құқық қорғау органдарына жүгіну болып қала береді.
Қызметкерлер мүліктің бүліну фактісін міндетті түрде тіркеуі керек.
Әрі қарай, егер бар болса, жақын маңдағы бейнебақылау камераларын табуға тырысып, машинаға және кінәліге (машина, адам немесе басқа) зиян келтіру сәтін жазып алу керек.
«Егер көлікті басқа жүргізуші зақымдап, ЖКО орнынан қашып кетсе, онда кінәлі тұлғаның сақтандыру компаниясы зақымды өтейді. Егер, мысалы, айналар немесе фараларды алып кеткен болса, онда өтемақыны ұрыдан сот арқылы өндіріп алуға болады, тек оны ұстағаннан кейін ғана», – дейді сарапшы.
Полис қандай соманы өтейді және оның құны қанша болуы мүмкін
Сақтандыру бойынша ақшалай өтемақы мөлшері болған оқиғаға - кінәлі кім, залал мөлшері қандай және автокөлік иесі қандай полис рәсімдегеніне байланысты болады.
«Егер көлік басқа көлікке зақым келтірсе, онда сақтандыру төлемі кінәлі тұлғаның сақтандыру компаниясынан алынады. Бұл ретте, ең жоғарғы сома 2023 жылға 600 АЕК немесе 2,07 млн теңгені құрайды", - деп хабарлайды сарапшы.
Бұл ретте ағымдағы жағдайларда МАҚЖ бойынша сақтандыру төлемдерінің сомасы жаңа автомобильдер үшін алынған залалды мүлдем өтемеуі мүмкін. Сондықтан, толық қаржылық қорғанысты қамтамасыз ету үшін КАСКО жиі қажет.
Бірақ мұндай полистің құны әртүрлі факторларға байланысты: көлік құралының құны, шығарылған жылы және өтелетін тәуекелдер саны, сондай-ақ франшиза мөлшері (залалдың төленбейтін бөлігі).
«КАСКО полисінің орташа жылдық бағасы бірнеше он мың теңге, сондай-ақ бірнеше жүз мың теңге болуы мүмкін. Бірақ көптеген сақтандырушыларда клиенттің тілектері мен мүмкіндіктеріне сәйкес икемді сақтандыру талаптары мен шарттарын таңдауға болады.
Тағы да қайталаймын, өтемақы алу үшін кінәлі тұлғада міндетті сақтандырудың болуы жеткілікті болатын жағдайлар бар, бірақ кейде Сізді белгілі бір сақтандырылған тәуекелдері бар автокаско ғана шығындардан қорғай алады»*, – деп мәлімдеді «Халық» сақтандыру компаниясы Басқарма төрағасының орынбасары Сергей Гаврилов.
