Халық сақтандыру компаниясы сақтандыруға теміржол көлігінің мына түрлерін алады:

 1) тартқыш жылжымалы құрам (локомотивтер);

 2) моторлы-вагонды жылжымалы құрам;

 3) жүк және жолаушылар вагон құрамы;

 4) арнайы тағайындамасы бар вагондар.

Сақтандыру шарты бойынша төменде көрсетілген оқиғалардың біреуінің немесе бірнешеуінің басталуы салдарынан сақтандырылған теміржол көлігінің құртылуы (опат болуы), зақымдалуынан келтірілген залал өтеледі:

 1) апат, күйреу, соқтығыс;

 2) үңгіртаулардың құлауы, көпірлердің қирауы, сымдардың үзілуі, тіректердің құлауы;

 3) өрт, жарылыс, найзағайдың соғуы;

 4) дүлей апаттар: жердің сілкінуі, боран, дауыл, су тасқыны, сел, қара құйын, көшкін, таудың опырылуы, бұршақ, қар көшкіні, қардың басуы және т.б.;

 5) үшінші тұлғалардың заңсыз әрекеттері.